"Мәктәп театры" проекты сиктәрендә Йәнтеш мәктәбе уҡыусылары мәҙәниәт йортондағы "Тәкәлтау" театр түңәрәгендә шөғөлләнеп, тамашасыларға Н.Ғәйетбаевтың "Батыр әтәс" әкиәтен сәхнәләштереп тәҡдим итте. Уҡыусылар үҙ ролдәрен бик оҫта итеп башҡарып тамашасыны көлдөрҙө лә, һоҡландырҙы ла, уйландырҙы ла. Түңәрәктең етәкселәре – Йәнтеш мәктәбенең башҡорт теле һәм әҙәбиәте уҡытыусыһы Арыҫланова Гөлдәр Рәшит ҡыҙы, ауыл мәҙәниәт йорто режиссеры Үлтрәҡова Лена Фуат ҡыҙы.