Өфөлә  Рәми Ғарипов исемендәге республика башҡорт гимназия-интернатында башҡорт теле һәм әҙәбиәте буйынса төбәк-ара  олимпиадаһы үтте. Республика мәғариф министрлығынан хәбәр итеүҙәренсә, бәйгелә ҡала һәм райондарҙан, шулай уҡ күрше төбәктәрҙән 9-11-се кластарҙан 269 уҡыусы ҡатнашты. 

Олимпиадала  Хәйбулла районының  башҡорт мәктәптәренән,  уҡытыу урыҫ телендә алып барылған мәктәптәрҙә башҡорт телен туған тел һәм дәүләт теле булараҡ өйрәнеүсе 6 уҡыусы ҡатнашты: Маҡан  мәктәбенең 9 класс уҡыусыһы (уҡытыусыһы Юнысов Ю.Х..), Һамар мәктәбенең 10 класс уҡыусыһы (уҡытыусыһы Кәримова Г.З.), Өфө мәктәбенең 10 класс уҡыусыһы (уҡытыусыһы Вәлитова Д.З.), 1-се һанлы Аҡъяр мәктәбенең 10 класс уҡыусыһы (уҡытыусыһы Ибраһимова Р.К.), 2-се һанлы Аҡъяр  мәктәбенең 11 класс уҡыусыһы (уҡытыусыһы Мөхәмәтшина Г.Э.), Әбүбәкер мәктәбенең 11 класс уҡыусыһы (уҡытыусыһы Билалова З.Х.).

Олимпиада 3 турҙа үтте : 1-се тур -   тексҡа комплекслы анализ, 2-се тур – инша,  3-сө тур – башҡорт теле һәм әҙәбиәтенән викторина (10 һорау). Өс турҙа ла беҙҙең уҡыусылар һынатманылар.  Бәйге һөҙөмтәләре буйынса Һамар мәктәбе уҡыусыһы еңеүсенән ҡала 3-сө, Өфө мәктәбе уҡыусыһы 4-се, Әбүбәкер мәктәбе уҡыусыһы рейтинг буйынса 9-сы урынды биләп, призер исемен яуланылар һәм Башҡортостан Мәғариф министрлығының дипломы, китаптар  менән бүләкләнделәр.

Хәйбулла районы мәғариф бүлеге исеменән еңеү яулаған уҡыусыларҙы һәм уларҙың уҡытыусыларын ҡотлайбыҙ һәм киләсәктә ижади уңыштар теләйбеҙ!