7 октябрҙә Өфө ҡалаһының Башҡортостан Республикаһы мәғарифты үҫтереү институты бинаһында “Иң яҡшы башҡорт һәм рус телдәре уҡытыусылары” конкурсы еңеүселәрен тәбрик итеү тантанаһы уҙҙы. Бәйге 2007 йылдан Башҡортостан Республикаһы Хөкүмәте ҡарарына ярашлы уҙарыла. Йыл һайын уңышлы эшләгән 50 уҡытыусыға аҡсалата грант тапшырыла.

Беҙҙең райондан был оло мәртәбәгә Татыр-Үҙәк мәктәбенең башҡорт теле уҡытыусыһы Гөлназ Әнүәр ҡыҙы Назарова лайыҡ булды.

 Гөлназ Әнүәр ҡыҙына ныҡлы һаулыҡ һәм артабанғы уңыштар теләйбеҙ!