Республикабыҙҙың баш ҡалаһында «Ныҡ бул!» беренсе асыҡ медиа-конкурсы гөрләп үтте. «Тамыр» балалар һәм үҫмерҙәр телеканалы, Бөтә донъя башҡорттары ҡоролтайы һәм Башҡортостан Республикаһының Мәғариф һәм фән министрлығы ярҙамы менән ойошторолған бик әһәмиәтле проект ул. Бәйге балалар һәм үҫмерҙәр араһында сәләмәт тормош рәүешен пропагандалау, насар ғәҙәттәрҙе иҫкәртеү, балалар һәм үҫмерҙәрҙең ижади һәләттәрен асыу һәм үҫтереү маҡсатында үткәрелде.

         Аҡъяр ауылы 2- се урта дөйөм белем биреү мәктәбенең 10 класс уҡыусыһы Ғөбәйҙуллин Сәлим был бәйгелә  лә үҙен һынатманы, призлы 2 урын яуланы! Афарин, Сәлим! Ҡотлайбыҙ!

       “Йәншишмә” балалар һәм үҫмерҙәр гәзитендә Сәлимдең бәйгелә ҡатнашыуы тураһында мәҡәләһе баҫылып сыҡты. Тулыһынса: https://yanshishma.com/articles/be-g-kilg-n-khattar-an-/2022-10-28/ny-bulayy-du-tar-3008090